مواصفات وأسعار السياره هيونداي توسان موديل 2021 الجديدة

 

الأوراق والبيانات المطلوبة للكيات العسكرية والشرطه. 

الأوراق والبيانات المطلوبة للكليات العسكريه والشرطه لن يتم قبولك إذا لم تجهزهم قبل سحب الملف.

أول حاجه بطاقتك وأهم حاجه تكون البطاقة ساريه. علشان لم يتم السماح ليك أن تسحب الملف، ولو البطاقه منتهيه ممكن متلحقش تسحب الملف علشان مش هتلحق تطلع بطاقة جديده وميعاد سحب الملف هيكون خلاص فات. يعني قبل اي حاجه لازم يكون معاك بطاقة ساريه قبل سحب الملف.

مطلوب منك أصل المؤهل الخاص بيك. دي بقا بتبقي معاك لما تتخرج من الثانويه، ولو كنت مقدم في دفعه 2020 ومتقبلتش وخدوها منك  في الملف. هتروح تطلع وحده من الإدارة التعليمية التابعة ليك ممكن تاخدها في نفس اليوم أو بعد 3 أيام تقريبا. وهتطلع صوره رسميه لمؤهل الوالد ونفس الكلام الوالده.

وتطلع معاك أصل شهادة ميلاد ليك من السجل المدني.

لو الوالد موظف حكومي مش هتجيب اي ورق. هتروح تسحب الملف  ولما تسحب الملف في ورقة في الملف هتوديها للمكان ال والدك شغال فيه وتحط عليها ختم الشغل او الشركه ال والدك شغال فيها. ولو والدتك موظفه حكومية هيتطبق عليها الكلام دا بالضبط. ولو والدتك ربه منزل مش هنحتاج منها حاجه. ولو والدك شغال عمل حر يعني فاتح محل او مطعم وكدا يعني هتحتاج تطلع سجل تجاري وصوره من البطاقه الضريبية.

لو بقا الوالد والوالده موظفين بس طلعوا علي المعاش. انت بقا تقول لوالدك او والدتك تخليهم يطلعوا حاجه اسمها سرك المعاش هيطلعها من المكان ال كان بيشتغل فيه.

لو الوالد متوفي. لازم بقا تجيب صوره من قرار الوصايا ولو مش معاك قرار الوصايا طلعه من المحكمه ال انت تابع ليها وتجهزه معاك علشان هيتطلب منك تحطه في الملف بتاعك

لو انت او والدك او والدتك معاكم رصيد في البنوك او مدخرات او تمتلك قطعه أرض لازم تجهز صور لتثبت الكلام دا. 

تصور والدك ووالدتك صوره في كارت واحد صوره كامله من رأسهم لرجليهم واقفين جنب بعض. ولو والدك متوفي او مسافر او منفصلين. هقولك هتيجب صوره لكل واحد فيهم لوحده.

تطلع القيد العائلي للأب. والقيد العائلي للجد الأب. والقيد العائلي للجد الأم.

وكدا أكون أنا كلمتك عن كل الورق ال محتاج منك وقت علشان تجهزه قبل ما تروح تسحب الملف بتاعك. بلاش تضخم الحوار في دماغك وأبدا كدا ووحده وحده والورق هيخلص بس محتاج منك شويه صبر ومجهود وربنا يوفقك وياريت تبدا من دلوقتي علشان لسه عاوز تلعب شويه رياضه وتجهز نفسك وربنا معاك ويوفقك يارب ويحققلك كل ال نفسك فيه.

عارف أني طولت عليك بس كنت لازم أقولك كل حاجه علشان تجهز نفسك من دلوقتي.