 |
كل ما يخص جواز السفر او الباسبور لاستخراجه
- بسم الله الرحمن الرحيم اخواتي الكرام اليوم ان شاء الله راح اتكم معاكم عن كل ما يخص جواز السفر بالتفصيل الممل وكيفيه استخراجه بطريقه سهله وبدون اي مجهود
- يذهب الالاف من المصريين الي مصلحه الجوازات في جميع المحافظات للحصول علي جواز سفر او الباسبور للسفر خارج مصر
- وجواز السفر او الباسبور هو الوسيله الوحيده للسفر للخارج او العوده من البلاد الخارجيه
-جواز السفر تستمر مدته 7 سنين
وهجاوبكم باذن الله عن كل الاسئله ال بتدور في دماغكم وكل الاستفسارات ال حضراتكم عاوزينها وهقلكم ازاي تطلعوا جواز السفر او الباسبور في اقل وقت ممكن باذن الله حتي لو كنت لسه طالب او طالبه بتدرس - حتي لو انت او انتي لسه تحت السن - حتي لو انت لسه مخلصتش دراسه
الطلبات ال هنحتاجها علشان نطلع باسبور او جواز سفر
قبل اي حاجه هتروح قسم الشرطه التابع ليك هتروح تقولهم عاوز استماره نموذج 29 جوازات وبتكون مجانيه وتملي فيها بياناتك
- بطاقتك تكون ساريه لو سنك معدي ال 16 سنه
- هتحتاج 4 صور شخصيه خلفيه بيضاء مقاس 4×6
- لو عندك محل او اي مشروع خاص هتقدم السجل التجاري + صوره منه
- صور البطاقه لوسنك معدي ال 16 سنه
- صوره شهاده الميلاد لو سنك اصغر من 16 سنه
- المؤهل الدراسي او قيد دراسي من المكان ال بتدرس فيه سواء كان ابتدائي او اعدادي او ثانوي او جامعه ولو مش معاك مؤهل بتدفع 400 جنيه تامين في حساب مصلحه الجوازات وبتسترد المبلغ عند انتهاء الباسبور او جواز السفر
- رسوم مطالبه لاستخراج جواز السفر لو اول مره 335
- لو تجديد او بدل فاقد هتدفع 485 وبتستلم الباسبور في اليوم التالت بعد التقديم
- لو انت خريج هتجيب شهاده اتمام الخدمه العسكريه
- لو انت طالب سنك معدي ال 16 سنه هتجيب قيد من الجامعه ومختوم من الجامعه وعليه الرقم الثلاثي لتاكيد تاجيل التجنيد
- لو انت سنك اقل من 16 سنه هتقدم بشهاده الميلاد وبس
- لو حضرتك بنت هتجيبي اثبات للحاله الاجتماعيه سواء انك ابنه او متجوزه
ازاي تطلعه في اقل وقت ممكن
هتروح القسم التابع ليك وتاخد كل الطلبات ال قولتلك عليها هتسلم الاوراق دي في القسم وهتاخد وقت تقريبا اسبوع او اقل او اكتر حسب القسم ال انت او انتي تابع ليه وياريت تتجنب العطلات الاسبوعيه زي يوم الجمعه كدا
تعليقات
إرسال تعليق